Skip to main content

സദാചാരി ഷമീര്‍

ഇന്നിപ്പോ പറയാന്‍ പോണത് സദാചാരി ഷമീറിന്റെ കഥയാണ്.അഥവാ ഷമീര്‍ എങ്ങനെ സദാചാരിയായി എന്നാ കഥയാണ്‌.കുറ്റിപ്പുറത്തിനും എടപ്പാളിനും മദ്ധ്യേ പള്‍സര്‍ പറപ്പിച്ചു വിടുമ്പോഴും വീടിന്റെ ഉമ്മറത്ത്ന്ന്  നോക്ക്യാലും കണ്ടനകം ബീവറെജസ്സിലെ ക്യൂ കാണാം ന്നു വീമ്പടിച്ചു നടന്നേരുന്ന ഇബനൊക്കെ എങ്ങനെ നന്നായിന്നു നാട്ടാര്‍ക്കും അതിലുപരി വീട്ടാര്‍ക്കും അത്ഭുതം!ഫ്ലാഷ്ബാക്കിലേക്ക്‌ കണ്ണോടിക്കവേ.....

മോന്‍ പ്ലസ്‌റ്റു പാസ്‌ ആയെന്റെ സന്തോഷത്തിലാണ് ഷമീറിന്റെ വാപ്പ കരിപ്പൂര്‍ വിമാനമെറങീത്.വന്നപാടെ സ്വന്തം കുടീല് കേറി മഞ്ഞവെള്ളം[ടാങ്ക്] കുടിക്കണേനു പകരം മൂപര് നേരെ പോയത് അധികം മൂപ്പില്ലാത്തൊരു എഞ്ചിനീയറിംഗ് കോളേജിലേക്ക്!അവടൊരു മൂന്നുറുപ്യ കൊടുത്തിട്ട് മോന്റെ സീറ്റ്‌ ഉറപ്പാകി.ഏതു ബ്രഞ്ചാ വേണ്ടെന്നു പ്രിന്‍സിപ്പല്‍ ചോയ്ച്ചപ്പോ  അതൊക്കെ ഇങ്ങടെ ഇഷ്ടംപോലെയായികൊള്ളീ ന്നു പറഞ്ഞു സ്നേഹസമ്പന്നനായ വാപ്പ!

മോന്റെ ക്ലാസ്സ്‌ തുടങ്ങണ വരെ നിക്കാന്‍ ലീവ് ഇല്ലാത്തോണ്ട് വാപ്പ പോവാണ്‌.കരിപൂരിലേക്ക് പോണ വഴിക്ക് ഇന്നോവ കാറില്‍ ഇരുന്നു മൂപര് പറഞ്ഞു:
"മോനെ ഇജ്ജ് നന്നായി പഠിച്ചാ മതി അണക്ക് ജോലിയാകി തരണ കാര്യം ഞമ്മളേറ്റു"
ഇപ്പം തന്ന ജോലി പോരാഞ്ഞിട്ടാ ഇനി ബേറെ...മിണ്ടാണ്ടെ അവടെ കുത്തിരുന്നോള്ളീ ന്നു പറയാന്‍ വന്നതാണെങ്കിലും മാസാമാസം കൃത്യമായി കിട്ടണ്ട പോക്കറ്റ്‌ മണിയുടെ കാര്യം ഓര്‍ത്തപ്പോള്‍ അത് വേണ്ടാന്നു വച്ചു.ഷമീര്‍ പറഞ്ഞു:
"ആയ്കോട്ടെ വാപ്പ"
ബി ടെക് നു ചേര്‍ത്തൂന്നു അറിഞ്ഞപ്പളേ സപ്ലിക്ക് എങ്ങനെ അപ്ലൈ ചെയ്യാം ന്നു പടിചോനോടാ ഇങ്ങളീ പറയണത് ന്നു മനസിലും പറഞ്ഞു.

അങ്ങനെ ആ ദിവസം വന്നെത്തി!പ്രിന്‍സിപ്പല്‍നെ കാണാന്‍ പോയി.
"അന്റെ വാപ്പ ന്റെ ചെങ്ങായിയാ അതോണ്ടാ അണക്ക്  എവെര്‍ഗ്രീന്‍ ഫീല്‍ഡ് ആയ മെക്ക്.തന്നെ തന്നത്"
അല്ലെങ്കിലും പൈസ തന്നു സീറ്റ്‌ വാങ്ങണോരടെ ഒക്കെ വാപ്പാമാര് പ്രിന്‍സിപ്പല്‍ന്റേം മാനേജ്‌മന്റ്‌ന്റേം ഒക്കെ ചെങ്ങായിമാരാവാറാണല്ലോ പതിവ്!
"ഉവ്വ് സര്‍"അവന്‍ ചിരിച്ചു.
ആ സീനില്‍ നിന്നും സ്കൂട്ട് ആയി അവന്‍ നേരെ പോയത്  ക്ലാസ്സിലെക്കാണ്.മരുഭൂമിയിലെ മരുപച്ച എന്ന് പറയാന്‍ പോലും ഒരു പെങ്കുട്ട്യില്ല.............!ഇതാണോടോ എവെര്‍ഗ്രീന്‍!

അങ്ങനെ ദിവസങ്ങള്‍ കഴിഞ്ഞു.ഒരൂസം പതിവില്ലാണ്ട് നേരത്തെ ഷമീര്‍ കോളേജില്‍ എത്തി.അന്ന് ആ കോളേജ് വരാന്തയില്‍ വെച്ചാണ് ഓന്‍ ആ ഉമ്മച്ചി കുട്ടിനെ കാണണത്.അപ്പൊ തന്നെ ഓന്‍ മനസിലുറപ്പിച്ചു ഇബളെ വേറൊരുത്തനും വിട്ടു കൊടുക്കൂലാന്നു.ആ ഉറപ്പു ഇങ്ങോട്ടും കിട്ടോ ന്നു അറിയാന്‍ വേണ്ടി സ്വന്തം പോക്കറ്റില്‍ കയ്യിട്ടു ഒന്നുമില്ലാന്നുള്ള തിരിച്ചറിവാവാം അടുത്ത് നിക്കുന്നവന്റെ പോക്കറ്റില്‍ കയ്യിടാന്‍ പ്രേരിപിച്ചത്‌.കിട്ടിയ അഞ്ചു രൂപ പുച്ഛത്തോടെയും അത് മാത്രമായി നടക്കുന്നവനെ സഹതാപത്തോടെയും ഷമീര്‍ മാറി മാറി നോക്കി!"അളിയാ ജ്ജിപ്പളും പരീക്ഷേല് പാസ്‌ ആവോന്നു അറിയാന്‍ ടോസ്സ് ഇട്ടു നോക്കാറുണ്ടാ?"പാവം നിഷ്കളങ്കനായ ആ മണ്ടനെ നോക്കി തെറി വിളിക്കാന്‍ കൂടി ഓന് പറ്റിയില്ല.കിട്ടിയ അഞ്ചും എടുത്തോടി അടുത്ത കടേന്നു ഒരു ഡയറി മില്കും വാങ്ങി കീശേലിട്ടു ഉമ്മച്ചി കുട്ട്യേ കാണാന്‍ പോയി.അപ്പളാ അറിഞ്ഞേ അഞ്ചു മിനിറ്റ് മുന്നേ ഡയറി മില്‍ക്ക് സില്‍ക്ക് ആയിട്ട് വന്ന ഒരുത്തന്റെ കൂടെ ഓള് പോയീന്നു.അപ്പൊ മ്മടെ ഷമീര്‍ ആരാ?????ശശി...........................

ദിവസങ്ങള്‍ പിന്നേം പോയി.ഒരു പണീം ഇല്ലാണ്ട് വെറുതെ വായുംനോക്കി നിക്കുമ്പളാണ് ആ കുട്ടി ഷമീറിന്റെ കണ്ണില്‍ പെട്ടത്.ഈ എടപ്പാളിലെ പെങ്കുട്ട്യോള്ളടെ മൊഞ്ചൊന്ന് വേറെന്ന്യാ....അങ്ങനെ അവന്‍ കഷ്ടപ്പെട്ട് ഫേസ്ബുക്ക്‌ വഴി ആ കുട്ടിടെ ഫ്രണ്ട് നെ പരിചയപെട്ടു അത് വഴി ആ കുട്ടിടെ പേരും കണ്ടുപിടിച്ചു.അവള്‍ക്കു വേറെ ലൈനൊന്നും ഇല്ലാന്ന് അറിഞ്ഞപ്പോ ഒരു മഴ നനഞ്ഞ സുഖം തോന്നി.തന്റെ കോയി കുഞ്ഞിനെ പരുന്തു കൊത്തി കൊണ്ടോവാണ്ട് നോക്കണേ പടചോനേന്നു ഓന്‍ അഞ്ചു നേരോം പ്രാര്‍ത്ഥിച്ചു.അങ്ങനെ ഇഷ്ടാന്ന് പറയാന്‍ ഓന്‍ പള്‍സറില്‍ കേറി പാഞ്ഞു.നല്ല മലപ്രം അച്ചടി ഭാഷേല്‍ സംഭവം പറഞ്ഞൊപ്പിച്ചു.ആ കുട്ടി ഷമീറിനെ വല്ലാത്തൊരു നോട്ടം  നോക്കി.കുറച്ചപ്പുറത്ത്ന്നു ഒരുത്തന്‍ കേറി വന്നിട്ട് ഓള്‍ടടുത്ത് വന്നിട്ട് ഇംഗ്ലീഷില്‍ ന്തോക്ക്യോ പറേണത്  കണ്ട്.ഒന്നും മനസിലായില്ലാന്നുളളത്  പിന്നെ പറയണ്ട ആവശ്യം ഇല്ലല്ലോ.പക്ഷെ ആ ഡയലോഗ് കഴിഞ്ഞുള്ള സീന്‍ കണ്ടപ്പോ കാര്യം പിടികിട്ടി.ഷമീറിന്റെ ചങ്കില്‍ ചവിട്ടി നേര്‍ത്തെ വന്നോന്റെ ഹങ്കില്‍ കേറി ഓള് പോയി.അന്ന് രാത്രിയാണ് ഓള്‍ടെ കൂട്ടുകാരി ആ സത്യം പറഞ്ഞത് ഓള് പഠിക്കണത് ഇംഗ്ലീഷ് ലിറ്ററേച്ചറാണത്രെ!പാവം ഓന്‍ പിന്നേം ശശി!

ശശിയായി കൊണ്ടെയിരിക്കുന്നതിന്റെ ആ കിക്കില്‍ നടക്കുമ്പളാണ് വെറുതെ നിന്ന് പഞ്ചാരടിചോണ്ടിരുന്ന രണ്ടു കിടാങ്ങളെ വെരട്ടുന്ന കുറെയെണ്ണത്തിനെ കണ്ടത്.അവരെ പരിചയപ്പെട്ടപ്പോഴാണ് തന്നെക്കാള്‍ വലിയ ശശിമാരാണ് അവരെന്നും ഞമ്മക്കിലെങ്കി ആര്‍ക്കും വേണ്ടാന്നുള്ള മലയാളിയുടെ രക്തത്തില്‍ അലിഞ്ഞു ചേര്‍ന്നിട്ടുള്ള സ്വഭാവത്തിന്റെ ഭാഗമായി സദാചാര പോലീസ് ആയതാണെന്നും ഷമീര്‍ മനസിലാക്കി.പിന്നെ അധിക സമയം വേണ്ടി വന്നില്ല അവനും അവരിലൊരാളായി.

അപ്പൊ അങ്ങനെയാണ് ഷമീര്‍ സദാചാരി ഷമീര്‍ ആയതും.അതിനുശേഷം ആ നാട്ടിലെ പെങ്കുട്ട്യോള്‍ക്കൊന്നും സ്വസ്ഥായി പ്രേമിക്കാന്‍ പറ്റാണ്ടായതും!

Comments

  1. കൊളളാം...നല്ല വാമൊഴി വഴക്കം

    ReplyDelete
    Replies
    1. നന്ദി വീണ്ടും വന്നു അഭിപ്രായം പറയണം

      Delete
  2. ഈ ഷമീര്‍ ഇപ്പോള്‍ എവിടെയാ ഉള്ളത് ??ഒന്ന് കാണാന്‍ പറ്റുവോ ??

    ReplyDelete
    Replies
    1. ഞാൻ കാണിച്ചു തരാട്ടാ

      Delete
  3. അപ്പൊ അങ്ങനെയാണ് ഷമീര്‍ സദാചാരിയായത് ല്ലേ ? കൊള്ളാം :)

    ReplyDelete
    Replies
    1. ന്താ ചെയ്യാ ചേച്ച്യേ......

      Delete
  4. കൊള്ളാം ........ ചിരിക്കാനുള്ള വകയുണ്ട്.

    ReplyDelete
  5. puthiya malayala cinemkal.pole.....first half super....pinne shameerne pole shashi....fun tho...keep it up....

    ReplyDelete
  6. അങ്ങനെയാണു സദാചാരികൾ ഉണ്ടാവുന്നത്...

    ReplyDelete
    Replies
    1. ഹ്മ്........ഉണ്ടാവട്ടെ....

      Delete
  7. സസി അങ്ങനെയാനല്ലേ സദാചാരിയായത്

    കൊള്ളാം കേട്ടോ

    ReplyDelete
    Replies
    1. അങ്ങനെ തന്നെ
      നന്ദി :)

      Delete
  8. nee nannayi chindhikkunnu..............malu....

    ReplyDelete

Post a Comment

Popular posts from this blog

ഭ്രാന്തി

"നിനക്കു ഭ്രാന്താണ്.നീ ഭ്രാന്തിയാണ്.........."
അയാളുടെ ആ വാക്കുകൾ മാത്രം അവളുടെ കാതുകളിൽ പ്രതിധ്വനിച്ചു കൊണ്ടിരുന്നു.അതിനു ശേഷവും അയാൾ എന്തൊക്കെയോ പറഞ്ഞു കൊണ്ടിരുന്നു!എന്നാൽ പുതിയൊരു കഥ അന്വേഷിച്ചു കൊണ്ടിരുന്ന അവളുടെ മനസ്സ് കേട്ട് മടുത്ത ആ പഴങ്കഥയ്ക്കു ചെവി കൊടുത്തില്ല.
അവൾ ഭ്രാന്തിനെ കുറിച്ച് ചിന്തിച്ചു!നൂല് പൊട്ടിയ പട്ടം പോലെ മനസ്സിന്റെ ആ ഒരു പോക്ക്!!!സ്വയം നിയന്ത്രിക്കാൻ കഴിയാതെയങ്ങനെ.............ഭ്രാന്തിയായി മുദ്രണം ചെയ്യപ്പെട്ടാൽ പിന്നെ സ്വാതത്ര്യമാണ്.പൊട്ടിച്ചിരിക്കാം,പൊട്ടിക്കരയാം,ആർത്തുല്ലസിച്ചു നടക്കാം,അത് വരെ ചങ്ങലയ്ക്കിട്ട സാമൂഹ്യ സദാചാരത്തെ നോക്കി കൊഞ്ഞനംകുത്താം....അങ്ങനെ...അങ്ങനെ...
സത്യം പറഞ്ഞാല ഭ്രാന്തി ആവുന്നതല്ലേ നല്ലത്..?അതെ അതാണവൾകിഷ്ടം!
ആകെയുള്ള ബന്ധുവും ബന്ധനവും ഈ ഒരു കഷ്ണം ചങ്ങല മാത്രം.ഉയർന്നു കൊണ്ടിരുന്ന അയാളുടെ സ്വരത്തിനൊത്തു ആ ഇരുമ്പഴികളുടെ കമ്പനവും കൂടി വന്നു.എങ്കിലും ഏറെ നേരമായി പ്രതീക്ഷിക്കുന്ന 'ആ ആൾ' മാത്രം ഇനിയും എത്തിയില്ല!അത്രയും സ്നേഹമുള്ളത് കൊണ്ടാവാം...അവൾ ഭ്രാന്തിയാണെന്ന് വിശ്വസിക്കാൻ പറ്റാത്തത് കൊണ്ടാവാം....

മഴമേഘങ്ങള്‍

കരിമഷി കണ്ണില്‍ മനസ്സ് മൂടി
വച്ച പെണ്ണ് അതായിരുന്നു
നീ മാത്രമറിയുന്ന ഞാന്‍!
പ്രണയം പറയാതെ നാം
പ്രണയിച്ചപ്പോഴും,പരസ്പരം
അപരിചിതരായി അറിഞ്ഞപ്പോഴും
സാക്ഷിയായത് മഴമേഘങ്ങള്‍!
സ്നേഹം പറയാന്‍ വയ്യാതെ
തൊണ്ട വരണ്ടു ചുമച്ച് തുപ്പുന്ന
മുത്തശ്ശിയെ പോലെന്ന് നീ നിര്‍വചിച്ച
മഴമേഘങ്ങളായി നമ്മള്‍ ഇരുവരും...
മനസ്സില്‍ മൂടി കിടന്ന ഇരുളിനെ 
വില്ലൊടിഞ്ഞ കുടശീലയുടെ
ഛായമാക്കി മാറ്റിയപ്പോള്‍ ഞാന-
റിയാതെ ആ നിഴലില്‍ നീ
മറഞ്ഞു പോയതെന്തെ?
നിന്റെ മൌനവും അസാന്നിദ്ധ്യവും
ഇന്ന് മഴമേഘങ്ങളായ് എനിക്കു
ചുറ്റും നില്ക്കുന്നു,ഒരുനാള്‍
ഞാനുമൊരു മഴമേഘമാവും
നിന്നെ മാത്രം തേടി കാറ്റിനൊപ്പം
അലയുന്ന മഴമേഘം!
കണ്ടു മുട്ടിയാല്‍ എന്‍ കരിമഷി
കണ്ണുകളൊന്നു നിറയും....
പെയ്യാന്‍ വെമ്പുന്ന കാര്‍മേഘ-
മായിരുന്നുവല്ലോ ഞാന്‍.........!

അതിഥിയായ് പ്രണയം

അന്ന് അവള്‍ പതിവിലും സുന്ദരിയായി കാണപ്പെട്ടു.
"എന്താ മോളെ വല്ല കുരുക്കും വീണോ?"എന്ന ചോദ്യത്തിന് മറുപടിയായി  അവള്‍  ഭംഗിയായി ചിരിച്ചു.എന്നിട്ട് പറഞ്ഞു:
"കുരുക്കൊന്നും വീണിട്ടില്ലാ....ഇനി എങ്ങാനും വീണാല്‍ എന്നേക്കാള്‍ മുമ്പു നിങ്ങള്‍ ആവില്ലേ അറിയ്യാ?എന്തോ ഇങ്ങനെ വരാന്‍ തോന്നി."
"ഉവ്വു ഉവ്വു"


കാത്തിരുന്നു കിട്ടിയ ഒരിത്തിരി നേരം....അതിവിശാലമായ IHRD ഗ്രൌണ്ട്....അവിടെ talking spot എന്നും fav.branch എന്നും പേരുള്ള മരത്തടിയുടെ മേല്‍ സംഘാംഗങ്ങള്‍ നിരന്നു.കത്തിയടിയും തുടങ്ങി.


അപ്പോഴായിരുന്നു ക്ഷണിക്കാത്ത അതിഥിയായി അവന്റെ കടന്നു വരവ്.


"എടീ ഇതേതാ മൂന്നാറിലേക്ക് ജെ‌സി‌ബി കേറി വരണ പോലെ ഒരു സാധനം വരണത്?"
"ഇടിച്ചു നിരപ്പാക്കോ?"
"കൊട്ടേല് മിട്ടായീം ആയിട്ടാ വരവ്.....ആദ്യം തന്നെ പോയിട്ട് അലംബാക്കണ്ട ല്ലേ?"
"എടീ ഇവന്‍ ആ രോഹിത് അല്ലേ?"
yes!ഇതാണ് നമ്മുടെ കഥാ നായകന്‍,രോഹിത്!
വന്നപ്പോ തന്നെ രോഹിത് ഭംഗിയായി മിട്ടായി വിതരണം നടത്തി.first impression ok!
gang cross questioning തുടങ്ങി:
"എന്താ വിശേഷം?"
"ഇന്നെന്റെ b'day ആ "
"ഓ ഹാപ്…