Skip to main content

Posts

Showing posts from 2013

അർപിത

നേരം ഒരുപാട് കഴിഞ്ഞിരുന്നെങ്കിലും ഉറക്കം വന്നില്ല.മനസ്സില് മുഴുവൻ അവളായിരുന്നു!അർപിത.......വിടർന്ന കണ്ണുകളും വാതോരാതെയുള്ള സംസാരവും അതാണ്‌ അവളിലേക്ക്‌ എല്ലാവരെയും അടുപിച്ചത്.എന്താണെന്നറിയില്ല അവളെ പരിചയപ്പെട്ടത് മുതലുള്ള ഓരോ നിമിഷവും ഒരു ചിത്രത്തിലേതെന്ന പോലെ മനസ്സിലൂടെ കടന്നു പോയ്‌കൊണ്ടിരുന്നു. അവളെ ആദ്യമായി കാണുന്നത് ഒരു വെള്ളിയാഴ്ചയാണ്.അന്നവൾ നിർത്താതെ പെയ്യുന്ന മഴയെക്കുറിച്ചും പെയ്യാൻ മറന്നു പോയ മഴയെക്കുറിച്ചും വാചാലയായി.അത് അവളുടെ അമ്മയുടെയും നഷ്ടപെട്ട അച്ഛന്റെയും സ്നേഹത്തെ ക്കുരിച്ചാണെന്നു മനസ്സിലാക്കുവാൻ അധികനാൾ വേണ്ടി വന്നില്ല.ഒരു കവിത പോലെ മനോഹരമായി സംസാരിക്കുന്ന അവളുടെ ഓരോ ഭാവത്തിലും നൂറു അർത്ഥങ്ങൾ വായിച്ചെടുക്കുവാൻ കഴിയും. ചിരിയും കളിയും കൊച്ചുപിണക്കങ്ങളും ഞങ്ങളുടെ സായാഹ്നങ്ങളുടെ ദൈർഘ്യം കുറച്ചു,ഉമ്മറങ്ങളും ഇടവഴികളും ബഹളമയമായി തീർന്നു.എന്നാൽ ദിശാബോധമില്ലാത്ത കാറ്റിനെ പോലെയായിരുന്നു അവന്റെ കടന്നു വരവ്.പിടിച്ചു നില്കാനാവാതെ അവളുടെ അമ്മയുടെ മനസ്സ് ആടിയുലഞ്ഞു.കാൻസർ വാർഡിലൂടെ വിറയാർന്ന കാലുകളുമായി അമ്മ അർപിതയുടെ കൂടെ കേറിയിറങ്ങി. പിന്നീടുള്ള ദിവസങ്ങള് പ്രതീക്ഷയുടെയും പ്ര…

ഭ്രാന്തി

"നിനക്കു ഭ്രാന്താണ്.നീ ഭ്രാന്തിയാണ്.........."
അയാളുടെ ആ വാക്കുകൾ മാത്രം അവളുടെ കാതുകളിൽ പ്രതിധ്വനിച്ചു കൊണ്ടിരുന്നു.അതിനു ശേഷവും അയാൾ എന്തൊക്കെയോ പറഞ്ഞു കൊണ്ടിരുന്നു!എന്നാൽ പുതിയൊരു കഥ അന്വേഷിച്ചു കൊണ്ടിരുന്ന അവളുടെ മനസ്സ് കേട്ട് മടുത്ത ആ പഴങ്കഥയ്ക്കു ചെവി കൊടുത്തില്ല.
അവൾ ഭ്രാന്തിനെ കുറിച്ച് ചിന്തിച്ചു!നൂല് പൊട്ടിയ പട്ടം പോലെ മനസ്സിന്റെ ആ ഒരു പോക്ക്!!!സ്വയം നിയന്ത്രിക്കാൻ കഴിയാതെയങ്ങനെ.............ഭ്രാന്തിയായി മുദ്രണം ചെയ്യപ്പെട്ടാൽ പിന്നെ സ്വാതത്ര്യമാണ്.പൊട്ടിച്ചിരിക്കാം,പൊട്ടിക്കരയാം,ആർത്തുല്ലസിച്ചു നടക്കാം,അത് വരെ ചങ്ങലയ്ക്കിട്ട സാമൂഹ്യ സദാചാരത്തെ നോക്കി കൊഞ്ഞനംകുത്താം....അങ്ങനെ...അങ്ങനെ...
സത്യം പറഞ്ഞാല ഭ്രാന്തി ആവുന്നതല്ലേ നല്ലത്..?അതെ അതാണവൾകിഷ്ടം!
ആകെയുള്ള ബന്ധുവും ബന്ധനവും ഈ ഒരു കഷ്ണം ചങ്ങല മാത്രം.ഉയർന്നു കൊണ്ടിരുന്ന അയാളുടെ സ്വരത്തിനൊത്തു ആ ഇരുമ്പഴികളുടെ കമ്പനവും കൂടി വന്നു.എങ്കിലും ഏറെ നേരമായി പ്രതീക്ഷിക്കുന്ന 'ആ ആൾ' മാത്രം ഇനിയും എത്തിയില്ല!അത്രയും സ്നേഹമുള്ളത് കൊണ്ടാവാം...അവൾ ഭ്രാന്തിയാണെന്ന് വിശ്വസിക്കാൻ പറ്റാത്തത് കൊണ്ടാവാം....

സദാചാരി ഷമീര്‍

ഇന്നിപ്പോ പറയാന്‍ പോണത് സദാചാരി ഷമീറിന്റെ കഥയാണ്.അഥവാ ഷമീര്‍ എങ്ങനെ സദാചാരിയായി എന്നാ കഥയാണ്‌.കുറ്റിപ്പുറത്തിനും എടപ്പാളിനും മദ്ധ്യേ പള്‍സര്‍ പറപ്പിച്ചു വിടുമ്പോഴും വീടിന്റെ ഉമ്മറത്ത്ന്ന്  നോക്ക്യാലും കണ്ടനകം ബീവറെജസ്സിലെ ക്യൂ കാണാം ന്നു വീമ്പടിച്ചു നടന്നേരുന്ന ഇബനൊക്കെ എങ്ങനെ നന്നായിന്നു നാട്ടാര്‍ക്കും അതിലുപരി വീട്ടാര്‍ക്കും അത്ഭുതം!ഫ്ലാഷ്ബാക്കിലേക്ക്‌ കണ്ണോടിക്കവേ.....

മോന്‍ പ്ലസ്‌റ്റു പാസ്‌ ആയെന്റെ സന്തോഷത്തിലാണ് ഷമീറിന്റെ വാപ്പ കരിപ്പൂര്‍ വിമാനമെറങീത്.വന്നപാടെ സ്വന്തം കുടീല് കേറി മഞ്ഞവെള്ളം[ടാങ്ക്] കുടിക്കണേനു പകരം മൂപര് നേരെ പോയത് അധികം മൂപ്പില്ലാത്തൊരു എഞ്ചിനീയറിംഗ് കോളേജിലേക്ക്!അവടൊരു മൂന്നുറുപ്യ കൊടുത്തിട്ട് മോന്റെ സീറ്റ്‌ ഉറപ്പാകി.ഏതു ബ്രഞ്ചാ വേണ്ടെന്നു പ്രിന്‍സിപ്പല്‍ ചോയ്ച്ചപ്പോ  അതൊക്കെ ഇങ്ങടെ ഇഷ്ടംപോലെയായികൊള്ളീ ന്നു പറഞ്ഞു സ്നേഹസമ്പന്നനായ വാപ്പ!

മോന്റെ ക്ലാസ്സ്‌ തുടങ്ങണ വരെ നിക്കാന്‍ ലീവ് ഇല്ലാത്തോണ്ട് വാപ്പ പോവാണ്‌.കരിപൂരിലേക്ക് പോണ വഴിക്ക് ഇന്നോവ കാറില്‍ ഇരുന്നു മൂപര് പറഞ്ഞു:
"മോനെ ഇജ്ജ് നന്നായി പഠിച്ചാ മതി അണക്ക് ജോലിയാകി തരണ കാര്യം ഞമ്മളേറ്റു"
ഇപ്പം തന്ന ജോലി…

ഏകാന്തത?

നേരം രണ്ടരയോടു അടുക്കുന്നെ ഉണ്ടായിരുന്നുവുള്ളൂ.എല്ലാവരും നല്ല ഉറക്കത്തിലാണ്.ഫാനിന്റെ ഉഷ്ണകാറ്റ്‌ ചൂടിനു ആക്കം കൂട്ടുകയെ ചെയ്യുന്നുള്ളൂ.അവള്‍ മെല്ലെ ജനലുകള്‍ തുറന്നു.അപ്പുറത്തെ സിമന്റ്‌ കടയിലെ കാവല്‍ക്കാരന്‍ പാട്ട് കേട്ടിരിക്കുകയാണ്.എവിടെയൊക്കെയോ തട്ടി തടഞ്ഞ ശേഷം അത് അവളുടെ കാതുകളിലെക്കെതിയപ്പോഴേക്കും ചിലമ്പിച്ച സ്വരങ്ങളായി മാറി തുടങ്ങിയിരുന്നു.
"എന്താ മോളെ ഉറങ്ങണ്ണില്ല്യെ?"കാവല്‍ക്കാരന്‍ സ്നേഹത്തോടെ അന്വേഷിച്ചു.
"ഇല്ലാ കുറച്ചു വായിക്കാനുണ്ട്"അവള്‍ മറുപടി പറഞ്ഞു.
"ഉം....പഠിച്ചോ കുട്ട്യേ...പഠിച്ച് വല്യേ ആളാവ്"

മറന്നു പോയിരുന്നുവെങ്കിലും ചിരിക്കാന്‍ ശ്രമിച്ചു കൊണ്ട് അവള്‍ അവളുടെ ലോകത്തിലേക്ക്‌ പിന്‍വലിഞ്ഞു.അടക്കി വച്ചിരുന്ന ഷെല്‍ഫില്‍ പുസ്തകങ്ങള്‍ പരതുന്നതിനിടയില്‍ മുന്‍പാരോ കളിയാകിയത് ഓര്‍മ വന്നു "നീയല്ലെങ്കിലും രാത്രി ജീവിയാണല്ലോ"തമാശയ്ക്ക് പറഞ്ഞതായിരുന്നുവെങ്കിലും അത് ശെരിയായിരുന്നു.വായിക്കുവാനും എഴുതുവാനും ചിന്തകളെ സ്വതന്ത്രമാക്കാനും അവള്‍ കണ്ടെത്തിയിരുന്ന അഥവാ ഇഷ്ടപെട്ടിരുന്ന സമയം രാത്രിയായിരുന്നു.
വായിച്ചു തീര്‍ക്കാതതായി ഒരു പുസ്തകം പോലും ആ ഷെല്‍…

തെറ്റ്

വെട്ടിതിരുതാനാവാത്ത തെറ്റുകള്‍
കണക്കുപുസ്തകത്തില്‍ നിറയുമ്പോള്‍
നേരം ഏറെ വൈകിയിരുന്നു!
ഇരുട്ടിന്റെ കൈകള്‍ മുടികെട്ടു ചുറ്റിപിടിച്ചിരുന്നു,
ഉറക്കം വന്നു കണ്ണുകള്‍ കനംവചിരുന്നു.
ചെയ്യുവാന്‍ ബാകിയാകിയ ഒന്നുകൂടെയുണ്ട് !
ഇന്നത്തെ ശരികളെല്ലാം ചുരുട്ടികൂട്ടി
ചവറ്റുകൊട്ടയിലെക്കെറിയണം!
അവയ്ക്ക് മുകളില്‍ ചുള്ളികമ്പുകള്‍
കൂട്ടിവെച്ചു കത്തിച്ചു കളയണം,
റാന്തലിന്റെ അരണ്ട വെളിച്ചത്തില്‍
ഞാന്‍ തനിച്ചാവുമ്പോള്‍ പൊട്ടികരയണം.
പകലിന്റെ വെളിച്ചത്തില്‍ തെറ്റുകള്‍ മാത്രം
കൂട്ടിയിടുമ്പോള്‍ എനിക്ക് അട്ടഹസിക്കണം
ഒരു പ്രാന്തിയെ പോലെ......

എനിക്ക് മുമ്പേ....

എന്നോ പൊട്ടിച്ചെറിഞ്ഞ കുപ്പിവളകള്‍
വീണ്ടുമീ വഴിയില്‍ വന്നതെന്തിനാ?
യാത്ര പറയുവാന്‍ ഇഷ്ടമല്ലാത്ത സഞ്ചാരി!
തോരാമഴയില്‍ ഇരുട്ടിലെക്കിറങ്ങി -
വിജനമായ പാതകള്‍ പിന്നിട്ടു
ഇരുളിനെ മാത്രം പ്രണയിച്ചു!
ആഗ്രഹം പോലെ തന്നെ ഒരു തിരി
വെട്ടവുമായി ആരും എതിരെ വന്നില്ല.
ഇന്നീ മൃത്യുവിന്‍ വഴിയിലൂടെ പോകുമ്പോള്‍
നിറം മങ്ങിയ വളപോട്ടുകള്‍ -
കിലുങ്ങിയതെന്തിനാ?
അവര്‍ എനിക്ക് മുമ്പേ മരിച്ചതല്ലേ?

കഥ!

ചിതലരിച്ചു തുടങ്ങിയ പുസ്തകങ്ങള്‍
മറിക്കവേ ആകാശം കാണാന്‍ കൊതിച്ച
മയില്‍‌പ്പീലി മെല്ലെയാ കഥ പറഞ്ഞു:
കാര്‍മേഘത്തെ പ്രണയിച്ച മയിലിന്റെ കഥ
അടച്ചിട്ട ജനാലകള്‍ പാതി തുറന്ന്
കൈനീട്ടിയപ്പോള്‍ മഴത്തുള്ളികള്‍
രഹസ്യമായി കാതിലോതി മയില്‍
പ്പീലിയെ തിരയുന്ന മേഘത്തിന്റെ കഥ!