Skip to main content

മഴമേഘങ്ങള്‍

കരിമഷി കണ്ണില്‍ മനസ്സ് മൂടി
വച്ച പെണ്ണ് അതായിരുന്നു
നീ മാത്രമറിയുന്ന ഞാന്‍!
പ്രണയം പറയാതെ നാം
പ്രണയിച്ചപ്പോഴും,പരസ്പരം
അപരിചിതരായി അറിഞ്ഞപ്പോഴും
സാക്ഷിയായത് മഴമേഘങ്ങള്‍!
സ്നേഹം പറയാന്‍ വയ്യാതെ
തൊണ്ട വരണ്ടു ചുമച്ച് തുപ്പുന്ന
മുത്തശ്ശിയെ പോലെന്ന് നീ നിര്‍വചിച്ച
മഴമേഘങ്ങളായി നമ്മള്‍ ഇരുവരും...
മനസ്സില്‍ മൂടി കിടന്ന ഇരുളിനെ 
വില്ലൊടിഞ്ഞ കുടശീലയുടെ
ഛായമാക്കി മാറ്റിയപ്പോള്‍ ഞാന-
റിയാതെ ആ നിഴലില്‍ നീ
മറഞ്ഞു പോയതെന്തെ?
നിന്റെ മൌനവും അസാന്നിദ്ധ്യവും
ഇന്ന് മഴമേഘങ്ങളായ് എനിക്കു
ചുറ്റും നില്ക്കുന്നു,ഒരുനാള്‍
ഞാനുമൊരു മഴമേഘമാവും
നിന്നെ മാത്രം തേടി കാറ്റിനൊപ്പം
അലയുന്ന മഴമേഘം!
കണ്ടു മുട്ടിയാല്‍ എന്‍ കരിമഷി
കണ്ണുകളൊന്നു നിറയും....
പെയ്യാന്‍ വെമ്പുന്ന കാര്‍മേഘ-
മായിരുന്നുവല്ലോ ഞാന്‍.........!
http://3.bp.blogspot.com/_zfDuy4-yDB8/SJqsoypjonI/AAAAAAAABEc/aOIstAOxuOw/s400-R/rain_cloud.jpg

Comments

  1. മാളൂ എനിക്കിതിഷ്ടായി.. ഇതേ പോലെക്കെ എനിക്കെന്നാണോ എഴുതാൻ കഴിയുക..

    ##ഇടനെഞ്ചു പോട്ടിത്തേങ്ങുന്ന മഴക്കുട്ടിക്ക് കൂട്ട് നെഞ്ചിനിട്ടിടിക്കുന്ന മേഘത്താനും മിന്നൽക്കുഞ്ഞുങ്ങളും ..###

    ReplyDelete
    Replies
    1. "ഇടനെഞ്ചു പോട്ടിത്തേങ്ങുന്ന മഴക്കുട്ടിക്ക് കൂട്ട് നെഞ്ചിനിട്ടിടിക്കുന്ന മേഘത്താനും മിന്നൽക്കുഞ്ഞുങ്ങളും"
      ഇതിന്റെ അത്രയൊന്നും എന്റെ മഴമേഘം വരില്ലാ :)

      Delete
  2. കലക്കിട്ടാ.......
    "സ്നേഹം പറയാന്‍ വയ്യാതെ
    തൊണ്ട വരണ്ടു ചുമച്ച് തുപ്പുന്ന
    മുത്തശ്ശിയെ പോലെന്ന് നീ നിര്‍വചിച്ച
    മഴമേഘങ്ങളായി നമ്മള്‍ ഇരുവരും..."

    വരി മുറിക്കലുകള്‍ക്കിടയില്‍ ഒരു പൂര്‍ണ വിരാമമിടാന്‍ ശ്രമിക്കുക വായനക്കാരനെ വെറുതെ ബുധിമുട്ടിക്കണ്ടല്ലോ...

    കണ്ണേട്ടന്‍റെ വാക്കുകള്‍ ഞാനും കടമെടുക്കുന്നു....
    "ഇതേ പോലെക്കെ എനിക്കെന്നാണോ എഴുതാൻ കഴിയുക.. "

    ReplyDelete
    Replies
    1. പൂര്‍ണവിരാമം ആക്കാം അടുതേലു :) അസൌകര്യത്തിന് ക്ഷമ ചോദിക്കുന്നു

      Delete
    2. അപ്പോളജീസ്‌ ആക്സപ്റ്റഡ്:)ഇവടെ ഇന്നലത്തെ ഒരു മഴെടെ ഹാങ്ങ്‌ ഓവര്‍ മാറീട്ടില്ല...എഫ് ബി ല് നിര്‍ത്താതെ ഉള്ള മഴ അപ്പ്‌ഡേറ്റ് കണ്ടു സഹികേട്ട് പലരും നിരാശാകാമുകന്‍..,വിഷാദ രോഗി എന്ന്‍ വരെ വിളിക്കാന്‍ തുടങ്ങി.....മഴബോധമില്ലത്തവന്‍മാര്‍.....

      Delete
    3. ശെരിയാ എഫ്‌ബിയിലുള്ളവര്‍ക്ക് മഴ ബോധം ഇത്തിരി കുറവാ എന്നു തന്നെയാ എനിക്കും തോന്നുന്നേ....പിന്നെ ഞാന്‍ നന്നാകിയാ നന്നാവണ teams ഒന്നും ഇല്ലാ എന്താ ചെയ്യാ????സഹിക്കെന്നെ :)

      Delete
  3. കവിത ഇനിയും പെയ്യട്ടെ..

    ReplyDelete
  4. പ്രിയപ്പെട്ട മാളവിക,

    എല്ലാം നല്ലതിന് !മഴമേഘങ്ങള്‍ വീണ്ടും പ്രിയനെ കണ്ടുമുട്ടാന്‍ സാക്ഷിയാകട്ടെ.

    ആശംസകള്‍ !

    സസ്നേഹം,

    അനു

    ReplyDelete
    Replies
    1. നന്ദി ചേച്ചി. ഇനിയും വരണേ

      Delete
  5. മാളൂ, മഴമേഘങ്ങള്‍ കലക്കീട്ടോ...ഇനിയും നല്ല കവിതകള്‍ പ്രതീക്ഷിക്കുന്നു ...ആശംസകളോടെ ..

    ReplyDelete
    Replies
    1. അനോണി ഇനി വരുമ്പോ പേര് പറയണേ...നന്ദി

      Delete
  6. കവിത നന്നായിട്ടുണ്ട് മാളു... :)

    "പ്രണയം പറയാതെ നാം
    പ്രണയിച്ചപ്പോഴും,പരസ്പരം
    അപരിചിതരായി അറിഞ്ഞപ്പോഴും
    സാക്ഷിയായത് മഴമേഘങ്ങള്‍"

    ReplyDelete
  7. നന്നായിട്ടുണ്ട് ട്ടോ... ഒപ്പം എഴുതാന്‍ കവിതയൊന്നും വരണില്ല ... എന്തായാലും ആശംസകള്‍ ....

    ReplyDelete
    Replies
    1. ആശംസകള്‍ ഉണ്ടല്ലോ അത് മതി

      Delete
  8. മാളൂ , മഴ മേഘങ്ങള്‍ അസ്സലായിരിക്കുന്നു ട്ടോ ...ആശംസകള്‍ :)

    ReplyDelete
    Replies
    1. താങ്ക്സ് ചേച്ചി ;)

      Delete

Post a Comment

Popular posts from this blog

ഭ്രാന്തി

"നിനക്കു ഭ്രാന്താണ്.നീ ഭ്രാന്തിയാണ്.........."
അയാളുടെ ആ വാക്കുകൾ മാത്രം അവളുടെ കാതുകളിൽ പ്രതിധ്വനിച്ചു കൊണ്ടിരുന്നു.അതിനു ശേഷവും അയാൾ എന്തൊക്കെയോ പറഞ്ഞു കൊണ്ടിരുന്നു!എന്നാൽ പുതിയൊരു കഥ അന്വേഷിച്ചു കൊണ്ടിരുന്ന അവളുടെ മനസ്സ് കേട്ട് മടുത്ത ആ പഴങ്കഥയ്ക്കു ചെവി കൊടുത്തില്ല.
അവൾ ഭ്രാന്തിനെ കുറിച്ച് ചിന്തിച്ചു!നൂല് പൊട്ടിയ പട്ടം പോലെ മനസ്സിന്റെ ആ ഒരു പോക്ക്!!!സ്വയം നിയന്ത്രിക്കാൻ കഴിയാതെയങ്ങനെ.............ഭ്രാന്തിയായി മുദ്രണം ചെയ്യപ്പെട്ടാൽ പിന്നെ സ്വാതത്ര്യമാണ്.പൊട്ടിച്ചിരിക്കാം,പൊട്ടിക്കരയാം,ആർത്തുല്ലസിച്ചു നടക്കാം,അത് വരെ ചങ്ങലയ്ക്കിട്ട സാമൂഹ്യ സദാചാരത്തെ നോക്കി കൊഞ്ഞനംകുത്താം....അങ്ങനെ...അങ്ങനെ...
സത്യം പറഞ്ഞാല ഭ്രാന്തി ആവുന്നതല്ലേ നല്ലത്..?അതെ അതാണവൾകിഷ്ടം!
ആകെയുള്ള ബന്ധുവും ബന്ധനവും ഈ ഒരു കഷ്ണം ചങ്ങല മാത്രം.ഉയർന്നു കൊണ്ടിരുന്ന അയാളുടെ സ്വരത്തിനൊത്തു ആ ഇരുമ്പഴികളുടെ കമ്പനവും കൂടി വന്നു.എങ്കിലും ഏറെ നേരമായി പ്രതീക്ഷിക്കുന്ന 'ആ ആൾ' മാത്രം ഇനിയും എത്തിയില്ല!അത്രയും സ്നേഹമുള്ളത് കൊണ്ടാവാം...അവൾ ഭ്രാന്തിയാണെന്ന് വിശ്വസിക്കാൻ പറ്റാത്തത് കൊണ്ടാവാം....

അതിഥിയായ് പ്രണയം

അന്ന് അവള്‍ പതിവിലും സുന്ദരിയായി കാണപ്പെട്ടു.
"എന്താ മോളെ വല്ല കുരുക്കും വീണോ?"എന്ന ചോദ്യത്തിന് മറുപടിയായി  അവള്‍  ഭംഗിയായി ചിരിച്ചു.എന്നിട്ട് പറഞ്ഞു:
"കുരുക്കൊന്നും വീണിട്ടില്ലാ....ഇനി എങ്ങാനും വീണാല്‍ എന്നേക്കാള്‍ മുമ്പു നിങ്ങള്‍ ആവില്ലേ അറിയ്യാ?എന്തോ ഇങ്ങനെ വരാന്‍ തോന്നി."
"ഉവ്വു ഉവ്വു"


കാത്തിരുന്നു കിട്ടിയ ഒരിത്തിരി നേരം....അതിവിശാലമായ IHRD ഗ്രൌണ്ട്....അവിടെ talking spot എന്നും fav.branch എന്നും പേരുള്ള മരത്തടിയുടെ മേല്‍ സംഘാംഗങ്ങള്‍ നിരന്നു.കത്തിയടിയും തുടങ്ങി.


അപ്പോഴായിരുന്നു ക്ഷണിക്കാത്ത അതിഥിയായി അവന്റെ കടന്നു വരവ്.


"എടീ ഇതേതാ മൂന്നാറിലേക്ക് ജെ‌സി‌ബി കേറി വരണ പോലെ ഒരു സാധനം വരണത്?"
"ഇടിച്ചു നിരപ്പാക്കോ?"
"കൊട്ടേല് മിട്ടായീം ആയിട്ടാ വരവ്.....ആദ്യം തന്നെ പോയിട്ട് അലംബാക്കണ്ട ല്ലേ?"
"എടീ ഇവന്‍ ആ രോഹിത് അല്ലേ?"
yes!ഇതാണ് നമ്മുടെ കഥാ നായകന്‍,രോഹിത്!
വന്നപ്പോ തന്നെ രോഹിത് ഭംഗിയായി മിട്ടായി വിതരണം നടത്തി.first impression ok!
gang cross questioning തുടങ്ങി:
"എന്താ വിശേഷം?"
"ഇന്നെന്റെ b'day ആ "
"ഓ ഹാപ്…