Skip to main content

ഓടിയോ?ഇല്ലല്ലോ....

"ഞായറാഴ്ച വീട്ടില്‍ ഇരുന്നാല്‍ പഠിക്ക് പഠിക്ക് മന്ത്രം കേട്ടു മടുക്കും"തിങ്കളാഴ്ച സ്കൂളില്‍ ചെന്നാല്‍ കേക്കുന്ന ആദ്യത്തെ ഡയലോഗ് ഇതാണ്.ഇതുവരെ എന്നോടു ആരും ഇങ്ങനെ പറഞ്ഞിട്ടില്ല[ഇനി പറഞ്ഞോളും].അത് ഞാന്‍ വല്യ പഠിപ്പിസ്റ്റ് ആയോണ്ടൊന്നും അല്ല.ഞാന്‍ എല്‍‌കെ‌ജിയില്‍ പടിക്കുമ്പോ തന്നെ എന്നെ കൊണ്ട്പോയി പാട്ട് ക്ലാസിനും ഡാന്‍സ് ക്ലാസിനും ചേര്‍ത്തു.കുറച്ചു കാലം കഴിഞ്ഞപ്പോഴാ ഇതിന്റെ ഗുണം മനസിലായത്.

ഞാനും കൃഷ്ണയും ഹരിതേച്ചിയും കൂടി രാവിലെ വീട്ടീന്നെറങ്ങും.ആദ്യം പാട്ട് ക്ലാസ്സിന്.വഴിയില്‍ ആരേലും ചോദിക്കും "എവിടെക്കാ മക്കളെ പോണത് ന്നു.....""പാട്ടിനാ....."പാട്ട് ക്ലാസ്സില്‍ ഞാനും കൃഷ്ണയും പുലികള്‍ ആയിരുന്നു[പാടുന്നതില്‍ അല്ല]നേരത്തെ ക്ലാസ്സ് കഴിഞ്ഞാലും അതും ഇതും പറഞ്ഞു അവിടെ തട്ടീം മുട്ടീം നീക്കും.ഒരു മണി കഴിഞ്ഞിട്ടേ വീട്ടിക്ക് വരൂ.വന്നു  ഭക്ഷണം കഴിച്ചാ പിന്നെ ഇറങ്ങി ഓടും  ഡാന്‍സിന്.അവിടെയും ഇതേ ഗാങ് തന്നെയാണ്.മെയിന്‍ റോഡിലൂടെ പോവില്ല.കുറെ ഊടുവഴികള്‍ ഉണ്ട്.ഞാനും കൃഷ്ണയും ഒരേ പ്രായക്കാര്‍ അയോണ്ട് ഞങ്ങള്‍ കുറെ വല്യ കാര്യങ്ങള്‍ പറഞ്ഞാ നടക്ക.അപ്പോ ഹരിതേച്ചി പറയും പൊട്ടതികള്‍ പൊട്ടത്തരോം വിളിച്ചു പറഞ്ഞു നടക്കാ.....എനിക്കു നാണകേടാ......ഓ പിന്നെ വല്യ ഒരു ആള് വന്നിരിക്കുന്നു.ഞാനും കൃഷ്ണയും ബൂലോക മടിചികളാ പ്രാക്ടീസ് ചെയ്യില്ല.അതോണ്ട് ഞങ്ങള്ക്ക് 2 പേര്‍ക്കും എല്ലാ ആഴ്ചയും മാഷാടെന്ന് അടി  ഉറപ്പാ....:)

അങ്ങനെ ഒരു ദിവസം ഞങ്ങളെല്ലാരും കൂടി പോവാ.....പാടത്തിന്റെ അടുത്തുകൂടി ഉള്ള വഴിയാ....അതാ വരുന്നു കുരച്ചു ചാടി കൊണ്ട് കുറെ എണ്ണം......പിന്നെ ഒരു ഓട്ടം അത് മാത്രേ ഓര്‍മയുള്ളൂ.നേരെ ചെന്നു നിന്നത് ഉണ്ണി കുട്ടന്‍റേം മണി കുട്ടന്‍റേം വീട്ടിലാ.സാധാരണ ക്ലാസ്സ് കഴിഞ്ഞു വരുമ്പോ ചായ കുടിക്കാനാ അവിടെ കേറാര്‍.അവിടത്തെ അച്ഛമ്മ ചോദിച്ചു "എന്തേ മക്കളെ?"
"നായ....നായാ....വെള്ളം...."
ഹരിതേച്ചി പറഞ്ഞു.അച്ഛമ്മ വെള്ളം തന്നു.നായ ഓടിച്ചോ...?
"ആ "
"അപ്പോ ഒരു കല്ലെടുത്ത് ഏറിയണ്ടേ?അല്ലാണ്ട ഓടരുത് ട്ടാ."
"ന്നാ പോട്ടെ....തൊടങ്ങാനായെ..."
അങ്ങനെ ഡാന്‍സ് ക്ലാസ്സില്‍ എത്തി.അവടെ വാതില്‍ അടച്ചിട്ടിരിക്കാ.അടുത്ത വീട്ടില്ലേ ചേച്ചി വന്നു പറഞ്ഞു "ഇന്ന് ക്ലാസ്സ് ഇല്ല മക്കളെ......"
"സന്തോഷം കൊണ്ടെന്നിക്ക് നീക്കാന്‍ വയ്യെ.................."
അങ്ങനെ തിരിച്ചു നടന്നു.ഉണ്ണിയുട്ടനും മണികൂട്ടനും ഉമ്മറത്ത് നിക്കുന്നുണ്ട്.
"അല്ല ചേച്ചിമാരെ നിങ്ങള്‍ കുറെ നായക്കളെ ഓടിച്ചു ന്നു കേട്ടു"
"എ ഞങ്ങളോ?"
"ന്റ്റെ പോന്നു ഹരിതെച്ചിയെ....ഈ രണ്ടു മരപ്പട്ടികളെ കണ്ടിട്ടു നായ പേടിച്ചു കാണും"
"അയ്യോ ന്റ്റെ പോന്നു കൂട്ടമാര....കണ്ടോടി പിള്ളേര്‍ക്ക് കണ്ണു കാണാം"
"അപ്പോ ചേച്ചി ആരാ?"
"എന്താ ഇത്ര ചോദിക്കാന്‍?ഈനാംപീച്ചി!"കുട്ടന്‍മാരുടെ fantastic റിപ്ലൈ!
പിന്നെ കുട്ടന്‍മാര്‍ വേറെ എന്തൊക്കെയോ ആയത് ഞാനും കൃഷ്ണയും കേട്ടു.നല്ലൊരു ചായേം കുടിച്ചിട്ടു തിരിച്ചു പോന്നു.

Comments

  1. ഫന്റാസ്റ്റിക് റിപ്ലൈ...അങ്ങിനെ തന്നെ വേണം. പിള്ളമനസ്സില്‍ കള്ളമില്ലെന്ന് എനിക്ക് പണ്ടേ അറിയാം

    ReplyDelete
  2. പാവം നായ.. :)

    അച്ചടിപ്പിശാച് പലയിടത്തും ശല്യം ചെയ്യുന്നുണ്ട് കേട്ടോ

    ReplyDelete
    Replies
    1. ഞങ്ങളല്ലേ പാവങ്ങള്‍?
      അച്ചടിപ്പിശാചിനെ ശ്രദ്ധിച്ചോളാം :)

      Delete

Post a Comment

Popular posts from this blog

മഴമേഘങ്ങള്‍

കരിമഷി കണ്ണില്‍ മനസ്സ് മൂടി
വച്ച പെണ്ണ് അതായിരുന്നു
നീ മാത്രമറിയുന്ന ഞാന്‍!
പ്രണയം പറയാതെ നാം
പ്രണയിച്ചപ്പോഴും,പരസ്പരം
അപരിചിതരായി അറിഞ്ഞപ്പോഴും
സാക്ഷിയായത് മഴമേഘങ്ങള്‍!
സ്നേഹം പറയാന്‍ വയ്യാതെ
തൊണ്ട വരണ്ടു ചുമച്ച് തുപ്പുന്ന
മുത്തശ്ശിയെ പോലെന്ന് നീ നിര്‍വചിച്ച
മഴമേഘങ്ങളായി നമ്മള്‍ ഇരുവരും...
മനസ്സില്‍ മൂടി കിടന്ന ഇരുളിനെ 
വില്ലൊടിഞ്ഞ കുടശീലയുടെ
ഛായമാക്കി മാറ്റിയപ്പോള്‍ ഞാന-
റിയാതെ ആ നിഴലില്‍ നീ
മറഞ്ഞു പോയതെന്തെ?
നിന്റെ മൌനവും അസാന്നിദ്ധ്യവും
ഇന്ന് മഴമേഘങ്ങളായ് എനിക്കു
ചുറ്റും നില്ക്കുന്നു,ഒരുനാള്‍
ഞാനുമൊരു മഴമേഘമാവും
നിന്നെ മാത്രം തേടി കാറ്റിനൊപ്പം
അലയുന്ന മഴമേഘം!
കണ്ടു മുട്ടിയാല്‍ എന്‍ കരിമഷി
കണ്ണുകളൊന്നു നിറയും....
പെയ്യാന്‍ വെമ്പുന്ന കാര്‍മേഘ-
മായിരുന്നുവല്ലോ ഞാന്‍.........!

ഭ്രാന്തി

"നിനക്കു ഭ്രാന്താണ്.നീ ഭ്രാന്തിയാണ്.........."
അയാളുടെ ആ വാക്കുകൾ മാത്രം അവളുടെ കാതുകളിൽ പ്രതിധ്വനിച്ചു കൊണ്ടിരുന്നു.അതിനു ശേഷവും അയാൾ എന്തൊക്കെയോ പറഞ്ഞു കൊണ്ടിരുന്നു!എന്നാൽ പുതിയൊരു കഥ അന്വേഷിച്ചു കൊണ്ടിരുന്ന അവളുടെ മനസ്സ് കേട്ട് മടുത്ത ആ പഴങ്കഥയ്ക്കു ചെവി കൊടുത്തില്ല.
അവൾ ഭ്രാന്തിനെ കുറിച്ച് ചിന്തിച്ചു!നൂല് പൊട്ടിയ പട്ടം പോലെ മനസ്സിന്റെ ആ ഒരു പോക്ക്!!!സ്വയം നിയന്ത്രിക്കാൻ കഴിയാതെയങ്ങനെ.............ഭ്രാന്തിയായി മുദ്രണം ചെയ്യപ്പെട്ടാൽ പിന്നെ സ്വാതത്ര്യമാണ്.പൊട്ടിച്ചിരിക്കാം,പൊട്ടിക്കരയാം,ആർത്തുല്ലസിച്ചു നടക്കാം,അത് വരെ ചങ്ങലയ്ക്കിട്ട സാമൂഹ്യ സദാചാരത്തെ നോക്കി കൊഞ്ഞനംകുത്താം....അങ്ങനെ...അങ്ങനെ...
സത്യം പറഞ്ഞാല ഭ്രാന്തി ആവുന്നതല്ലേ നല്ലത്..?അതെ അതാണവൾകിഷ്ടം!
ആകെയുള്ള ബന്ധുവും ബന്ധനവും ഈ ഒരു കഷ്ണം ചങ്ങല മാത്രം.ഉയർന്നു കൊണ്ടിരുന്ന അയാളുടെ സ്വരത്തിനൊത്തു ആ ഇരുമ്പഴികളുടെ കമ്പനവും കൂടി വന്നു.എങ്കിലും ഏറെ നേരമായി പ്രതീക്ഷിക്കുന്ന 'ആ ആൾ' മാത്രം ഇനിയും എത്തിയില്ല!അത്രയും സ്നേഹമുള്ളത് കൊണ്ടാവാം...അവൾ ഭ്രാന്തിയാണെന്ന് വിശ്വസിക്കാൻ പറ്റാത്തത് കൊണ്ടാവാം....

അതിഥിയായ് പ്രണയം

അന്ന് അവള്‍ പതിവിലും സുന്ദരിയായി കാണപ്പെട്ടു.
"എന്താ മോളെ വല്ല കുരുക്കും വീണോ?"എന്ന ചോദ്യത്തിന് മറുപടിയായി  അവള്‍  ഭംഗിയായി ചിരിച്ചു.എന്നിട്ട് പറഞ്ഞു:
"കുരുക്കൊന്നും വീണിട്ടില്ലാ....ഇനി എങ്ങാനും വീണാല്‍ എന്നേക്കാള്‍ മുമ്പു നിങ്ങള്‍ ആവില്ലേ അറിയ്യാ?എന്തോ ഇങ്ങനെ വരാന്‍ തോന്നി."
"ഉവ്വു ഉവ്വു"


കാത്തിരുന്നു കിട്ടിയ ഒരിത്തിരി നേരം....അതിവിശാലമായ IHRD ഗ്രൌണ്ട്....അവിടെ talking spot എന്നും fav.branch എന്നും പേരുള്ള മരത്തടിയുടെ മേല്‍ സംഘാംഗങ്ങള്‍ നിരന്നു.കത്തിയടിയും തുടങ്ങി.


അപ്പോഴായിരുന്നു ക്ഷണിക്കാത്ത അതിഥിയായി അവന്റെ കടന്നു വരവ്.


"എടീ ഇതേതാ മൂന്നാറിലേക്ക് ജെ‌സി‌ബി കേറി വരണ പോലെ ഒരു സാധനം വരണത്?"
"ഇടിച്ചു നിരപ്പാക്കോ?"
"കൊട്ടേല് മിട്ടായീം ആയിട്ടാ വരവ്.....ആദ്യം തന്നെ പോയിട്ട് അലംബാക്കണ്ട ല്ലേ?"
"എടീ ഇവന്‍ ആ രോഹിത് അല്ലേ?"
yes!ഇതാണ് നമ്മുടെ കഥാ നായകന്‍,രോഹിത്!
വന്നപ്പോ തന്നെ രോഹിത് ഭംഗിയായി മിട്ടായി വിതരണം നടത്തി.first impression ok!
gang cross questioning തുടങ്ങി:
"എന്താ വിശേഷം?"
"ഇന്നെന്റെ b'day ആ "
"ഓ ഹാപ്…