Skip to main content

പിറന്നാള്‍ സമ്മാനം

പിറന്നാള്‍ എന്നു കേക്കുമ്പോ ആദ്യം ഓര്‍മ വരാ രേഷ്മയുടെ ഡയലോഗ് ആണ്
"നമ്മുടെ ആയുസ്സ് കുറയുന്നതലേ നമ്മള്‍ എല്ലാര്‍ക്കും മിട്ടായി കൊടുത്തു ആഘോഷിക്കുന്നെ?"


8ഇല്‍ എത്തിയെപിന്നെ മിട്ടായി വിതരണം ഒക്കെ അങ്ങ് നിര്‍ത്തി.ഏറ്റവും അടുത്ത ഫ്രണ്ട്സിന് മാത്രം diary milk വാങ്ങി കൊടുക്കും.


അങ്ങനെ 10ഇലെ പിറന്നാള്‍ വന്നു.കയീന്നു പൈസ ചിലവാവാണ്ടന്നു വച്ച് ആരോടും പറഞ്ഞിരുന്നില്ല.രാവിലെ സ്കൂളില്‍ ചെന്നു.ശ്യാമക്കും ജൌഹറക്കും diary milk വാങ്ങി കൊടുത്തു.2 പേരും രാവിലെ തുടങ്ങിയതാ ഒരു ചുറ്റികളി എന്താന്നു ഒരു എത്തും പിടിയും കിട്ടുന്നുമില്ല.ചോദിക്കാന്‍ തുടങ്ങുംബോളേക്കും സ്യ്റന്‍ മുഴങ്ങി.സുരേഷ് ഗോപിയുടെ "ദേ പോയി ദാ വന്നു" അപ്പോ നിലവില്ലാതോണ്ട് ബൈ പറഞ്ഞു ഞാനും ശ്യാമയും 10 ബിയിലേക്കും ജൌഹറ 10 എയിലേക്കും പോയി.ടീച്ചര്‍മാര്‍ portions തീര്‍ക്കാന്‍ വേണ്ടി കഷ്ടപ്പെട്ട് തൊണ്ട പൊട്ടിച്ച് ക്ലാസ്സ് എടുക്കുമ്പോ ഞങ്ങളുടെ ബുക്കില്‍ bingo കളിയും പാട്ടിന്റെ വരികളും നിറയും..............

ഇനി ദീപ്തി ടീച്ചര്‍ക്കും കൂടി മിട്ടായി കൊടുക്കാന്‍ ഉണ്ട്.ചെന്നു നോക്കിയപ്പോ ആളവിടെ  ഇല്ല.ന്നാ പോട്ടെ ലഞ്ച് ബ്രേക് നു കൊടുക്കാം.പിന്നേം ദാ രണ്ടും കൂടി ഒരു കള്ളത്തരം.ഇനി അത് പൊളിച്ചിട്ടു തന്നെ ബാകി കാര്യം."മര്യാദക്ക് പറഞ്ഞോ എന്താ കാര്യം?"ഞാന്‍ ഇപ്പോ വരാം ന്നു പറഞ്ഞു ശ്യാമ ഓടി.എന്തൊക്കെയോ സംസാരത്തിന്റെ എടെല്‍ കള്ളത്തരം പൊളിക്കുന്ന കാര്യം മറക്കെം ചെയ്തു.കുറച്ചു കഴിഞ്ഞപ്പോ കയ്യില്‍ പേള്‍ സിറ്റി ഡേ കവര്‍ഉം പിടിച്ചു ശ്യാമ വന്നു."ഇത് വാങ്ങിക്കേടി"
"എന്തൊന്നാ?"
"വാങ്ങി നോക്ക് പിന്നെ ഇപ്പോ തുറക്കണ്ട"
"അയ്ക്കോട്ടെ"
താങ്ക്സ് പറഞ്ഞു ഫോര്‍മാലിറ്റി കാണിച്ചാ ചവിട്ട് കിട്ടും ന്നു അറിയാണോണ്ട് മിണ്ടാതിരുന്നു.പക്ഷേ മനസില്‍ ഉണ്ടായിരുന്ന സന്തോഷത്തിന് അതിരില്ലായിരുന്നു.ന്തായാലും ഇവളുമാരുടെ ഓര്‍മ ശക്തി അപാരം തന്നെ.അത് കഴിഞ്ഞു നേരെ നടന്നത് എലക്ട്രോണിക്സ് ലാബില്‍ക്ക് ആണ്.നിറഞ്ഞ ചിരിയുമായി അവിടെ ദീപ്തി ടീച്ചര്‍ ഉണ്ടായിരുന്നു."ഹാപ്പി ബര്‍ത്ഡേ"
"അല്ലാ അതിപ്പോ എങ്ങനെ ഇവിടെ എത്തി?"
"ഞങ്ങള്‍ മൂന്നുപേരായിരുന്നു മോളെ പ്ലാന്‍ ചെയ്തത്"
"അത് തുറക്ക്"ദീപ്തി ടീച്ചര്‍ പറഞ്ഞു.
ഒരു കുഞ്ഞ് പൂവും കമ്മലും ക്ലിപ്പും പിന്നെ നമ്മുടെ സ്വന്തം diary milk ഉം.................."
ഇനിയിപ്പോ ബര്‍ത്ഡേ എന്നാന്നു മറന്നു പോയാലും ഈ ഗിഫ്റ്റ് എന്റെ ജീവിതത്തില്‍ മറക്കാന്‍ പറ്റില്ല. :)

Comments

  1. അതെയതെ...സ്നേഹസമ്മാനങ്ങള്‍ അപ്രതീക്ഷിതമായി ലഭിക്കുമ്പോള്‍ മാറക്കാനാവില്ല.

    ReplyDelete
  2. "നമ്മുടെ ആയുസ്സ് കുറയുന്നതലേ നമ്മള്‍ എല്ലാര്‍ക്കും മിട്ടായി കൊടുത്തു ആഘോഷിക്കുന്നെ?"
    ഇഷ്ടമായി..

    ReplyDelete
    Replies
    1. അതോണ്ടാ ഞാന്‍ ക്ലാസ്സില്‍ മിട്ടായി കൊടുക്കല്‍ നിര്‍ത്തിയത് :)

      Delete

Post a Comment

Popular posts from this blog

മഴമേഘങ്ങള്‍

കരിമഷി കണ്ണില്‍ മനസ്സ് മൂടി
വച്ച പെണ്ണ് അതായിരുന്നു
നീ മാത്രമറിയുന്ന ഞാന്‍!
പ്രണയം പറയാതെ നാം
പ്രണയിച്ചപ്പോഴും,പരസ്പരം
അപരിചിതരായി അറിഞ്ഞപ്പോഴും
സാക്ഷിയായത് മഴമേഘങ്ങള്‍!
സ്നേഹം പറയാന്‍ വയ്യാതെ
തൊണ്ട വരണ്ടു ചുമച്ച് തുപ്പുന്ന
മുത്തശ്ശിയെ പോലെന്ന് നീ നിര്‍വചിച്ച
മഴമേഘങ്ങളായി നമ്മള്‍ ഇരുവരും...
മനസ്സില്‍ മൂടി കിടന്ന ഇരുളിനെ 
വില്ലൊടിഞ്ഞ കുടശീലയുടെ
ഛായമാക്കി മാറ്റിയപ്പോള്‍ ഞാന-
റിയാതെ ആ നിഴലില്‍ നീ
മറഞ്ഞു പോയതെന്തെ?
നിന്റെ മൌനവും അസാന്നിദ്ധ്യവും
ഇന്ന് മഴമേഘങ്ങളായ് എനിക്കു
ചുറ്റും നില്ക്കുന്നു,ഒരുനാള്‍
ഞാനുമൊരു മഴമേഘമാവും
നിന്നെ മാത്രം തേടി കാറ്റിനൊപ്പം
അലയുന്ന മഴമേഘം!
കണ്ടു മുട്ടിയാല്‍ എന്‍ കരിമഷി
കണ്ണുകളൊന്നു നിറയും....
പെയ്യാന്‍ വെമ്പുന്ന കാര്‍മേഘ-
മായിരുന്നുവല്ലോ ഞാന്‍.........!

ഭ്രാന്തി

"നിനക്കു ഭ്രാന്താണ്.നീ ഭ്രാന്തിയാണ്.........."
അയാളുടെ ആ വാക്കുകൾ മാത്രം അവളുടെ കാതുകളിൽ പ്രതിധ്വനിച്ചു കൊണ്ടിരുന്നു.അതിനു ശേഷവും അയാൾ എന്തൊക്കെയോ പറഞ്ഞു കൊണ്ടിരുന്നു!എന്നാൽ പുതിയൊരു കഥ അന്വേഷിച്ചു കൊണ്ടിരുന്ന അവളുടെ മനസ്സ് കേട്ട് മടുത്ത ആ പഴങ്കഥയ്ക്കു ചെവി കൊടുത്തില്ല.
അവൾ ഭ്രാന്തിനെ കുറിച്ച് ചിന്തിച്ചു!നൂല് പൊട്ടിയ പട്ടം പോലെ മനസ്സിന്റെ ആ ഒരു പോക്ക്!!!സ്വയം നിയന്ത്രിക്കാൻ കഴിയാതെയങ്ങനെ.............ഭ്രാന്തിയായി മുദ്രണം ചെയ്യപ്പെട്ടാൽ പിന്നെ സ്വാതത്ര്യമാണ്.പൊട്ടിച്ചിരിക്കാം,പൊട്ടിക്കരയാം,ആർത്തുല്ലസിച്ചു നടക്കാം,അത് വരെ ചങ്ങലയ്ക്കിട്ട സാമൂഹ്യ സദാചാരത്തെ നോക്കി കൊഞ്ഞനംകുത്താം....അങ്ങനെ...അങ്ങനെ...
സത്യം പറഞ്ഞാല ഭ്രാന്തി ആവുന്നതല്ലേ നല്ലത്..?അതെ അതാണവൾകിഷ്ടം!
ആകെയുള്ള ബന്ധുവും ബന്ധനവും ഈ ഒരു കഷ്ണം ചങ്ങല മാത്രം.ഉയർന്നു കൊണ്ടിരുന്ന അയാളുടെ സ്വരത്തിനൊത്തു ആ ഇരുമ്പഴികളുടെ കമ്പനവും കൂടി വന്നു.എങ്കിലും ഏറെ നേരമായി പ്രതീക്ഷിക്കുന്ന 'ആ ആൾ' മാത്രം ഇനിയും എത്തിയില്ല!അത്രയും സ്നേഹമുള്ളത് കൊണ്ടാവാം...അവൾ ഭ്രാന്തിയാണെന്ന് വിശ്വസിക്കാൻ പറ്റാത്തത് കൊണ്ടാവാം....

അതിഥിയായ് പ്രണയം

അന്ന് അവള്‍ പതിവിലും സുന്ദരിയായി കാണപ്പെട്ടു.
"എന്താ മോളെ വല്ല കുരുക്കും വീണോ?"എന്ന ചോദ്യത്തിന് മറുപടിയായി  അവള്‍  ഭംഗിയായി ചിരിച്ചു.എന്നിട്ട് പറഞ്ഞു:
"കുരുക്കൊന്നും വീണിട്ടില്ലാ....ഇനി എങ്ങാനും വീണാല്‍ എന്നേക്കാള്‍ മുമ്പു നിങ്ങള്‍ ആവില്ലേ അറിയ്യാ?എന്തോ ഇങ്ങനെ വരാന്‍ തോന്നി."
"ഉവ്വു ഉവ്വു"


കാത്തിരുന്നു കിട്ടിയ ഒരിത്തിരി നേരം....അതിവിശാലമായ IHRD ഗ്രൌണ്ട്....അവിടെ talking spot എന്നും fav.branch എന്നും പേരുള്ള മരത്തടിയുടെ മേല്‍ സംഘാംഗങ്ങള്‍ നിരന്നു.കത്തിയടിയും തുടങ്ങി.


അപ്പോഴായിരുന്നു ക്ഷണിക്കാത്ത അതിഥിയായി അവന്റെ കടന്നു വരവ്.


"എടീ ഇതേതാ മൂന്നാറിലേക്ക് ജെ‌സി‌ബി കേറി വരണ പോലെ ഒരു സാധനം വരണത്?"
"ഇടിച്ചു നിരപ്പാക്കോ?"
"കൊട്ടേല് മിട്ടായീം ആയിട്ടാ വരവ്.....ആദ്യം തന്നെ പോയിട്ട് അലംബാക്കണ്ട ല്ലേ?"
"എടീ ഇവന്‍ ആ രോഹിത് അല്ലേ?"
yes!ഇതാണ് നമ്മുടെ കഥാ നായകന്‍,രോഹിത്!
വന്നപ്പോ തന്നെ രോഹിത് ഭംഗിയായി മിട്ടായി വിതരണം നടത്തി.first impression ok!
gang cross questioning തുടങ്ങി:
"എന്താ വിശേഷം?"
"ഇന്നെന്റെ b'day ആ "
"ഓ ഹാപ്…